Fûc te cjane dal cjamin dal ristorant pizarie Al Gelso di Udin

Tor des 11:50 di vuê di matine i Vigjii dal fûc di Udin a son jentrâts in azion par studâ il fûc che al à cjapât la cjane dal cjamin dal ristorant pizarie Al Gelso di Udin.

Si pense che lis flamis a sedin tacadis forsit par cause dal cjalin dentri de cjane. I pompîrs lis àn distudadis daurman par dopo meti in sigurece la struture, rivant a limitâ i dams. Nissun si è fat mâl o al è restât intosseât. (a.d.g.) – 19.03.2025