24
Vuê sul cricâ dal di’ un fantat di 25 agns al è muart par cause di un incident dilunc de Çumpiel – Secuals. L’om si clamave Salah Eddine Cancian e al jere di Spilimberc.
La sô auto, une Volkswagen Golf, e stave lant bande Pordenon cuant che, par causis sot investigazion dai carabinîrs dal nucli radio mobil di Spilimberc, e je jessude fûr de strade ae altece di S. Zorç da la Richinvelde daspò vê passât su chê altre cjarezade, forsit par un colp di sium o par un mâl, lant a sbati cuintri di un arbul.
A dâ l’alarme un altri automobilist che passant di chês bandis al à viodût la machine fûr strade. (a.d.g.) – 10.12.2024
