Gianpietro Benedetti jenfri i benefatôrs de citât dopo un gnûf intervent a Udin

A son stâts presentâts i lavôrs di restaur de fontane di Zuan di Udin in place Sant Jacum, metûts in vore de societât Danieli & C. Officine Mecaniche SpA. Presints al tai de curdele di scree il vicesindic Loris Michelini, il vicepresident de Danieli, Alessandri Brussi, la vicepresidente di Danieli Academy, Paola Perabò, e Francesco De Simonis. I lavôrs, volûts dal President de multinazionâl furlane dal açâl, Gianpietro Benedetti, e realizâts de dite L.A.A.R. di Udin, a son durâts 90 dîs. “No je la prime volte che Benedetti al contribuìs ae valorizazion di monuments o edificis storics a Udin – al è il coment dal sindic Pietro Fontanini -, dai intervents di ricualificazion des façadis e des scjalinadis dal Cjistiel al progjet di recupar de ex Birarie Dormisch. Al è par chest che o ai volût che il non di Benedetti al fos zontât jenfri i benefatôrs de citât”. (A.I.) – 05.09.2022