54
Une barufe e je tacade pôc dopo de miezegnot di îr a Vilegnove di Pordenon, cuant che un zovin di S. Vît dal Tiliment, cjoc in bale, prime al à menaçât int che e passave dilunc vie Goldoni e daspò al à tacât une famee foreste che e je a stâ li.
Il zovin al diseve di jessi stât vitime de robarie dal so telefonin. Daspò vê tirât un pugn in muse a un om, e je partide une lote che e à cjapât dentri altre int de stesse famee. Tra chei, une fantate di mancul di 18 agns che e je stade feride des sclesis di une vetrine lade a tocs.
Sul puest a son rivâts i carabinîrs e une patulie de polizie. L’om, cuietât no cence cualchi probleme, al è stât denunziât. (a.d.g.) – 10.07.2024
