Vie pe gnot di joibe ai 24 di Novembar, tor des 3, la Sale Operative de Cuesture di Udin e à mandât dôs Volantis al Pront Socors dal ospedâl, dulà che un om al jere daûr a dâ di mat, creant une vore di problemis al personâl sanitari.
Rivâts sul puest, i agjents a son stâts informâts di un miedi che l’om si jere sierât di un cuart di ore intun bagn. I poliziots, jentrâts inte stanzie lu àn becât cuntune siringje in man, intant che al cirive forsit di inietâsi cualchi sostance e lu àn blocât dopo che al veve butât intun bidon, tra lis scovacis, scjatis di medisinis e butiliutis di veri.
L’om, citadin talian di 25 agns resident in provincie, al jere assistût dai servizis sociâi e al veve cjolt medisinis variis di cualchi scansel di un carel dai farmacs e di un frigorifar, intune stanzie dongje dal bagn. L’om al è stât arestât par robarie ingriviade. (ADG) – 1.10.2022
