Grâf il ciclist che a Udin si è dât dentri cuntun auto

Brut incident cheste matine, tor 10, a Udin dulà che un om di 52 agns, intant che al jere in siele in siele ae sô biciclete dilunc di vie Ascoli, si è dât cuintri cuntune Mercedes vuidade di un om classe 1943, che al vignive di plaçâl Cella.
Imediade la clamade al numar unic di emergjence 112: i infermîrs de centrâl Sores a àn inviât sul puest l’ecuipaç di une ambulance e une machine di emergjence mediche. L’om al è stât traspuartât di urgjence, in codiç ros, al ospedâl Santa Maria della Misericordia di Udin. Su lis causis dal incident a indaghin i agjents de Polizie locâl. (ADG) – 14.11.2022