Gurize capitâl dai ‘savôrs di frontiere’

A saran 327 i bancuts in rapresentance di plui di 40 Stâts che a formin il mapemont di savôrs de 17e edizion di “Gusti di frontiera”: aes vecjis cognossincis tant che Austrie, France e Paîs balcanics si zontin novitâts tant che la Svuizare e une presince plui gruesse de Afriche. Da Joibe ai 29 di Setembar fintremai a domenie ai 2 di Otubar, il centri di Gurize si vistirà a fieste par i 17 Borcs gjeografics che a saran la anime de fieste, tra mangjâ “di strade”, plats de tradizion e specialitâts esotichis. Cuatri dîs cun Gurize capitâl de buine taule, cun tantis novitâts intune formule colaudade: ospit di onôr al sarà Slow Food, pe prime volte a “Gusti di frontiera”. (A.I.) – 22.09.2022