Sparagnâ plui energjie pussibile par no fâ tais ai servizis par vie di boletis stratosferichis. Al è l’obietîf de delibare, aprovade intai dîs passâts de zonte Ziberna, che e delinee direzions, se no vêrs proviodiments, par sbassâ il consum de energjie eletriche intes struturis publichis gurizanis.
Numerosis lis disposizions proviodudis intal proviodiment, tacant dal distudament, de une di gnot, des lûs esternis di scuelis, Centri Polivalent, Centro Lenassi, Marcjât cuviert, Cjistiel e zardins internis dal municipi. Il stes al vâl pai curtîi de Protezion civîl, pes areis esternis des palestris e dai implants sportîfs. Lis deroghis a podaran jessi, dome par motivâts impediments tecnics e leâts ae sigurece.
Al sarà, cun di plui, anticipât di 90 minûts il distudament matutin di ducj i ponts lûs de iluminazion publiche sul teritori e al sarà ritardât ancje di 30 minûts l’impiament. A saran disativadis ancje lis fontanis publichis e i implants eletrics relatîfs di iluminazion. (ADG) – 18.10.2022
