Tai dîs passats i alpins dal 8^ reziment de Brigade Julia a àn partecipât ae esercitazion “Triglav Star 2024” indulà che a jerin presints ancje militârs di Stâts Unîts, Ream Unît, Slovenie, Ongjarie, Gjermanie, Republiche Ceche, Spagne, Macedonie e Romanie.
La ativitât adestrative e je lade indenant par trê setemanis, che dilunc di chês i militârs a àn podût rindi plui fuarte la integrazion e miorâ la operativitât multinazionâl des unitâts intun senari di combatiment suntun teren une vore ert e indulà che nol jere facil movisi.
La esercitazion “un cuintri chel altri” e je stade fate su lis monts a Nord di Bled e il personâl talian al à atacât e difindût di dî e vie pe gnot.
Il brut timp al fate deventâ la esercitazion ancjemò plui fadiose, metint ae prove il fisic e la preparazion dai militârs. (a.d.g.) – 18.10.2024