Medaie di aur al valôr militâr e protagoniste de Resistence, Paola Dal Din e fâs vuê cent agns. Stafete partesane, informadore, prime femine taliane parecjadudiste, medaie di aur al valôr militâr, professore e testemoni de storie, e nassè ai 22 di Avost dal 1923. Origjinarie di Plêf di Cjadovri, e decidè di unîsi ae Resistence cuintri il Nazifassisim dopo la muart dal fradi Renato, un dai fondadôrs de Brigade Osôf. Propit in so onôr, Paola e cjapà il non di bataie di “Renata”. Dopo la vuere, si è laureade a Padue e e je lade indevant cui studis ancje intai Stâts Unîts. Intal 1960 la Medaie di Aur e il principi di une ativitât di divulgazion e conte, par passâ i valôrs de Resistence aes gjenerazions zovinis. Ai 2 di Setembar e je previodude une cerimonie inte sô citât di adozion, Udin. (A.I.) – 22.08.2023
105
