A son dodis i milions di euros di dams calcolâts fin cumò pes impresis artesanâls de provincie di Udin dopo il burlaç di lunis di sere. Il brut timp che al à sdrumât il Friûl al à invistît a fuart ancje lis sedis des impresis artesanâls che a son daûr a procedi, cun fadie, a contâ i dams. Lis primis segnalazions mandadis des aziendis ai uficis di Confartigianato-Imprese di Udin a fevelin di dams par impuarts medis di 30 mil euros. Al è ancjemò dificil stimâ cun esatece il numar des impresis colpidis in dut e il valôr dal dam totâl pes 8.341 aziendis dome in provincie di Udin. Une des emergjencis segnaladis ae associazion e je chê dai cuvierts in eternit, comprometûts dal brut timp e che cumò a laran bonificâts, cuntun impegn economic no indiferent pai proprietaris. (A.I.) – 27.07.2023
153
