I pescjadôrs di Maran a cirin soluzions cuintri la crisi

I pescjadôrs di Maran Lagunâr a lamentin il grâf discomut pal aument dal presit dal gasoli, indispensabil par podê lavorâ cui lôr natants, intant che il presit dal pes al è calât fûr di misure. Cun di plui, no si cjate plui personâl che al vedi voie di imbarcjâsi, parcè che il lavôr in mâr al è dûr e lis cundizions meteo a son dispès brutis. Cun chestis premessis, il setôr al è destinât a sierâ intai prossims doi o trê agns, secont diviers armadôrs di barcjacis, che a an domandât al Studio Tutino di cjatâ novitâts juridichis pal setôr de pescje professionâl, interessant varis ents e subiets par rivâ a soluzions e proviodiments urgjents. (A.I.) – 17.01.2023