I robin al miedi intant che e socor un ciclist

I àn robât dai efiets personâi intant che e jere daûr a socori un ciclist di 54 agns, che al à ripuartât fraturis probabilis aes cuestis dopo jessi finît cuintri un arbul, lant jù di Dardâc a Budoie. L’episodi al è sucedût a une dotore dal Socors Alpin e Speleologjic di Pordenon domenie di matine. Il miedi, intune cui coleghis dal Socors Alpin, ai sanitaris di une ambulance e aes Vuardiis dal Fûc, e jere daûr a viodi dal ciclist, dopo vê lassât la sô machine dongje dal lûc dal intervent. Une volte finidis lis operazions di socors, cuant che e je tornade viers la proprie veture, le à cjatade scancarade e cence i siei efiets personâi. (A.I.) – 31.07.2023