I teis di Pordenon a saran butâts jù, mandade indaûr la domande di sospensive

I 47 teis di Pordenon a saran butâts jù. Dopo il refudament dal Tar, vuê il Consei di Stât nol à concedût la sospensive domandade dal comitât “Il Tiglio verde” par valutâ la etât des plantis che a saran eliminadis par lâ indevant cul progjet di ricualificazion de ex Fiere, finanziât cui fonts dal Pnrr. Corteus, fogoladis, cjadenis umanis e i ricors legâi duncje no àn salvât i teis dal lôr destin.

Il tribunâl al à evidenziât che chei che a fasin ricors “no àn proponût ancjemò une clamade cuntri la sentence dal Tar” e che “l’art. 61, come 7, c.p.a. al esclût di pueste la tutele cautelâr ante causam intal judizi di apel”. (a.d.g.) – 27.02.2024