I voi dal Viminale su ce che al sucêt a Monfalcon pal Ramadan

“La situazion e je simpri controlade, no dome de prefeture di Gurize, ma dal ministeri dal Interni”. Chest al à declarât il prefet di Gurize Raffaele Ricciardi, intervistât vuê a buinore di Telefriuli su lis tensions a Monfalcon tra il Comun e la comunitât islamiche.
Propit la comunitât dai musulmans îr, intal prin dì dal ramadan, no à fate buine la indicazion dal cuestôr di Gurizie di cjatâsi par preâ intal parc des Terme Romane e, cun di plui, e à confermât la intenzion di volê manifestâ denant dal municipi, decision che e jere stade une vore criticade de sindiche di Monfalcon Anna Maria Cisint. (a.d.g.) – 11.03.2024