Une fuarte sglavinade e à batût tal prin dopomisdì il Friûl Ocidentâl, soredut inte zone sot de mont ator di Manià e Spilimberc, cun tante ploie e aiaron. A Manià, indulà che a son vignûts ju’ plui di 115 milimetris intune ore, al è lât ju’ un arbul dilunc de strade bande Fane, che al è stât daurman tirât vie dai volontaris de locâl Protezion civîl.
Cjatadis infiltrazions di aghe intes scuelis dal paîs e i tecnics a stan fasint i sorelûcs par controlâ la situazion.
A son jentradis in azion ancje cetantis scuadris dai pompîrs di Pordenon e dai distacaments in rispueste aes clamadis di jutori dai citadins, soredut pai arbui colâts dilunc des stradis.
Aiaron e tante ploie ancje te zone tra Prate, Fontanefrede e sul Plancjaval. Al lavôr cetancj volontaris de Protezion civîl, soredut par tirâ vie des tradis ramacis e sfueis che e stropin i tombins causant inagaments. (a.d.g.) – 12.07.2024
