Il Comun di Udin al incrès dal 46% i nîts

I puescj disponibii intai nîts di infanzie comunâi convenzionâts cul Comun di Udin a incressaran dal 46% tai prossims sîs agns, tacant dal an scolastic 2024/2025. L’acuardi, rivât de aministrazion di Udin cui singui gjestôrs dai nîts, al è stât presentât dal assessôr ae Culture e Istruzion, Federico Pirone, adun cu lis cooperativis e associazions tiradis dentri. Il numar al è risultât dal lavôr e di cetancj incuintris fra i interessâts, dopo de decision de Zonte comunâl di meti ancjemò plui bêçs par garantî un servizi plui ampli aes fameis udinesis. I puescj disponibii intai nîts convenzionâts a passaran di 114 a 167 e il numar al podarà jessi rideterminât di un an in chel altri, su la base des risorsis finanziariis a disposizion e des preferencis pandudis dai utents. (A.I.) – 18.01.2024