Il cont dai dams dopo dal brut timp cul aiar di record

Dopo de bugade di brut timp di martars ai 26, al è il moment di contâ i dams inte zone dal Friûl Ocidentâl tra i comuns di Fontanefrede, Lavorêt e Sant Quarin. Lis svintulis fuartis di aiar a àn batût a fuart la zone, creant discomuts ae popolazion e problemis seris ai edificis. Un centenâr lis domandis di intervent ai Vigjii dal fûc par arbui colâts su la strade o su abitazions e par cuvierts distaponâts, cence contâ i dams aes culturis agriculis, za in soference pal sec. Une femine di Lavorêt e je restade feride, in mût no grivi. Il temporâl al à passât la fasse da pît des monts par lâ indevant bande la fasse culinâr udinese fin a studâsi su la Mont Mataiûr aes 4 a buinore, e al è stât fuart, massime te zone a Nord di Pordenon. La stazion di Vivâr e à regjistrât 30 milimetris di ploie intun cuart di ore e une svintule di aiar a 136 km/h: la plui alte regjistrade in 30 agns su la planure furlane! (A.I.) – 27.07.2022