Il gnûf cuestôr di Udin al promet plui controi

Lunis prin di Avost si è logât il gnûf cuestôr di Udin. Al è Alfredo D’Agostino, che al à cjapât il puest di Manuela Di Bernardin, assegnade ae Cuesture di Trevîs.
Dopo vê fat onôr ai monuments dai Muarts de Polizia di Stato, il gnûf cuestôr al à saludât il personâl, i rapresentants des organizazions sindicâls e il prefet. Cincuantesiet agns e une lauree in jurisprudence, D’Agostino al rive de cuesture di Lecco. Intant di un incuintri cui gjornaliscj, il gnûf cuestôr al à prometût plui controi e sigurece no dome intes zonis cjaldis de citât, tant che borc Stazion, ma ancje a Lignan dulà che a son stâts episodis di violence. (A.D.G.) – 02.08.2022