Il sindic De Toni al torne a impiâ lis lûs di Udin

Il sindic al torne a “impiâ” la citât, studade pe crisi energjetiche. A Palaç D’Aronco, i lavôrs de gnove zonte di Felice De Toni si son vierts martars cu la delibare de cessazion dal plan dai distudaments, che al previodeve la sospension noturne di 1.468 ponts lûs in citât. A tornaran duncje atîfs i passe 14 mil pâi de iluminazion publiche, cjapâts dentri chei de aree dal Parc dal Cormôr e de aree verde de Cascina Mauroner, juste in timp par un grant event tant che la adunade dai alpins. La iluminazion e restarà ative al 100% in plante stabile par garantî un nivel di sigurece plui alt intes zonis esternis de citât. (A.I.) – 10.05.2023