146
Al è in cundizions gravis un om che, intal prin dopomisdì, al è restât ferît intun incident dilunc de regjonâl 54, a Muimans. Intant che al viazave in siele ae so moto si è dât cuintri cuntun furgon, finint dentri dal mieç.
Il Nue 112 al à inviât sul puest une ambulance e l’elisocors. Intant che i mieçs a jerin daûr a rivâ tal lûc dal incident, l’infermîr de Sores al à vuidât lis personis presintis sul puest intes primis fondamentâls manovris salvevite.
Ativâts ancje lis Vuardiis dal fûc che a àn colaborât cui sanitariis par socori il motociclist.
L’om al è stât traspuartât al ospedâl Sante Marie de Misericordie di Udin cu la ambulance, cun dentri ancje i sanitaris dal elisocors. (A.D.G.) 25.01.2023
