In flamis il cuviert de cjase di Jonathan Milan a Buie

Un fûc partît forsit dal suriscjaldament de cane fumarie al à causât vuê un fûc dal cuviert di len areât de abitazion a Buie dulà che a vivin il campion olimpic di ciclisim Jonathan Milan e la sô famee.

In chel moment in cjase al jere Matteo, il fradi di Jonathan, che al à dât l’alarme.

I dams a son grancj, dal moment che il fugaron al à distrut plui o mancul 40 metris cuadris di cuviert.

Sul puest lis Vuardiis dal fûc che a àn studât lis flamis e metût in sigurece la abitazion. (a.d.g.) – 20.11.2023