91
La glesie di Poç a S. Zorç da la Richinvelde e à patît dams une vore grâfs par colpe di un fûc tacât vie pe gnot stade.
Sul cricâ dal dì a son rivâts i pompîrs di S. Vît dal Tiliment e dal comant di Pordenon che a àn fât dut ce che a podevin par ridusi i dams. Magari cussì no, il fûc, tacât par câs, al à fiscât une part dai internis de glesie brusant la mobilie e ancje i crucifìs. L’edifici al è stât declarât inagjibil.
“Mi displâs une vore par ce che al è sucedût – al à dit il sindic Michele Leon -. O ai fevelât cui fedêi che no crodevin, che si son dâts dongje denant de glesie e ur ai puartât la nestre solidarietât”. (a.d.g.) – 03.04.2024
