Il segretari gjenerâl de Cgil F-Vj Michele Piga le à clamade une place rabiose; al fevelave di place Venerio a Udin, indulà che vuê di matine a son rivâts plui o mancul un miâr di pensionâts e lavoradôrs de scuele in rispueste dal apel fat dai sindicâts par manifestâ in difese dal podê di spese des pensions e des paiis, par dî di ‘no’ ai auments minims e ae caritât sui auments piçui, par rivendicâ un fisc plui just che al cjapi i bêçs a chei che ju àn invezit dai solits.
“O vin a ce fâ – al à dit il segretari gjenerâl dal Spi Cgil F-Vj Renato Bressan -cuntune leç di belanç che e bat ju’ ancjemò une volte su lis pensions e al baste pensâ ai auments di 3 euros, che a son un sacut di bombons a pet dal cost di ce che si paie par curâsi”. (a.d.g.) – 31.10.2024
