In regjon a son jentrâts 13.700 migrants tai prins vot mês dal an

“Cuntune tindince in cressite tacade tal 2021, intai prins vot mês di chest an a risultin jessi jentrâts in Friûl-Vignesie Julie 13.700 migrants. In chest contest, par garantî la tignude dal sisteme di acet, al è stât ativât un mecanisim di trasferiment sistematic dai migrants viers centris logâts in altris regjons”. Lu à dit il ministri dal Interni, Matteo Piantedosi, dilunc dal question time ae Cjamare, in riferiment ai numars leâts ae rote balcaniche che e alimente la continue rivade di migrantis in Friûl-Vignesie Julie. (a.d.g.) – 13.09.23