Incident te dì di S. Stiefin su la autostrade A4

Dîs personis a son restadis coinvoltis intun incident tra sîs machinis dilunc de A4, tor des 10 di sere dal dì di S. Stiefin, dal toc di strade jenfri S. Zorç di Noiâr e Tisane in direzion Vignesie. Lis causis a son sot scandai de Polizie Stradâl. Dopo la clamade al 112, i infermîrs dal Sores a àn inviât sul puest l’elisocors, dôs ambulancis e lis Vuardiis dal fûc. Dôs feminis a son restadis feridis: une, che e à ripuartât lis consecuencis plui gravis, e je stade traspuartade in elicotar al ospedâl S. Marie de Misericordie di Udin; chê altre e je stade acompagnade cu la ambulance al ospedâl di Tisane. Chês altris personis a son stadis controladis sul puest. (A.I.) – 27.12.2022