Incident grâf a un minôr in motorin a Glemone

Un minôr al è stât socorût, dopomisdì, dopo di un incident sucedût ae crosere tra la statâl 13 Pontebane e vie Trasaghis, intal teritori di Glemone.

Par motîfs in cors di investigazion di bande dai Carabinîrs, intant che al viazave in siele dal scooter si è dât cuintri cuntune veture e al è svolât par plui o mancul cinc metris, ruvinant malementri a tiere.

Sul puest l’ecuipaç di une ambulance e l’elisocors, di là des Vuardiis dal fûc. Il minôr al è stât socorût e traspuartât in svol al ospedâl Sante Marie de Misericordie di Udin in cundizions seriis. (A.D.G.) – 02.02.2023