Incident grâf su la statâl a Damâr

Incident grâf tor des 11, a Damâr. Un tratôr e une Fiat 600 – lis causis  a son sot investigazion de Polizie locâl de Comunitât di Mont de Cjargne – si son dâts cuintri dilunc de statâl che e coleghe Damâr al svincul autostradâl.
Daûr dai prins rilêfs, la femine al volant de utilitarie – residente a Osôf –  e varès invadût la corsie opueste, dulà che in chel moment al passave il mieç agricul. Il scuintri frontâl al è stât teribil, tant che la femine di 35 agns e je restade feride in maniere serie, incjastrade tra i lamarins. La feride e je stade puartade cul elisocors regjonâl al Pront socors di Cattinara, a Triest. (A.D.G.) – 24.08.2022