Incident mortâl par un motociclist a Manzan

No le à fate Patrik Caon, il motociclist di 48 agns ferît in maniere serie îr di sere a Manzan, dopo jessi lât cu la sô moto cuintri un pâl de iluminazion: al è muart vie pe gnot, dopo jessi stât puartât in sale operatorie par un delicât intervent chirurgjic.

Îr di sere, intor aes 22, l’om al veve pierdût il control de moto in vie del Cristo. Lis sôs cundizions a jerin semeadis subite une vore grâfs. Daspò l’alarme, imediâts i socors mandâts de centrâl Sores: sul puest e jere intervignude une ambulance he e ven di Cividât e al jere rivât ancje l’elicotar. Caon al jere stât stabilizât, ripiât, intubât e traspuartât cu la ambulance al ospedâl Santa Maria della Misericordie di Udin. (ADG) – 7.11.2022