Un schiadôr di 60 agns che al rivave de Republiche Ceche al è muart vuê di matine su la mont Çoncolan, inte zone di Ravasclêt, dopo jessi lât a sbati cuintri di un cret.
Su la fonde di une prime ricostruzion, l’incident al podarès jessi sucedût par cause de pocje visibilitât parcè che i nûi a jerin bas e l’om al è lât daûr dai segns di schis che a puartavin fûr de piste cence inacuarzisi che la zone cu la nêf e stave par finî. Par chest il schiadôr al è colât su la strade che si cjatave pôc sot, indulà che al à batût il cjâf su la spuinde de cjarezade, cence che al sedi stât cjatât nissun casc dongje.
Sul puest a son rivâts daurman, puartâts di un gjat de nêf, i sanitaris, che a àn rivât a rianimâ l’om che il so cûr si jere fermât. Il turist al è stât puartat intal ospedâl di Tumieç, indulà che al è muart pôc dopo. (a.d.g.) – 25.02.2025
