27
Une machine dai carabinîrs dal nucli radio mobil e je restade cjapade dentri îr sere tor des 9 e mieze intun incident stradâl in vie Verdi a Daçan. I militârs a vevin intercetât une auto suspiete cun dentri forsit une bande di laris che di cualchi setemane e sta batint il teritori cuntune schirie di robariis.
Dilunc dal inseguiment, la Alfa Romeo Giulia dai carabinîrs si è dade cuintri a une Toyota Yaris vuidade di une femine di 31 agns che, su la fonde di ce che al è saltât fûr, e varès taiât la strade ae auto dai carabinîrs che a jerin in sorpàs.
Dopo il bot la auto dai carabinîrs (restâts ferîts in maniere no grivie) e je lade a sbati cuintri di une auto parcade. La femine, invezit, no si è fate nuie. (a.d.g.) – 11.12.2024
