164
Al è di trê ferîts grâfs, un di lôr elitraspuartât intal ospedâl di Udin, il belanç di un incident sucedût pôc dopo le une dopomisdì lunc viâl Treviso, a Pordenon, dilunc de ex provinciâl 35.
Intal scuintri violent a son restadis cjapadis dentri trê auto: dôs a son finidis fûr strade e une e à cjapât fûc. Trê personis a son restadis feridis in maniere grave. Une di lôr e je stade sbalçade de veture.
Sul puest i Pompîrs di Pordenon, cun doi camions. I pompîrs, adun cui sanitaris – rivâts cun dôs ambulancis, l’auto mediche e l’elisocors regjonâl – a àn estrat i ocupants, restâts blocâts intes veturis, proviodût al distudament dal fûc e ae messe in sigurece dal lûc dulà che al è sucedût il scuintri. (ADG) – 29.09.2022
