Aes 3 e mieze dal dopomisdì lis Vuardiis dal fûc dal comant di Udin a son intervignudis, midiant l’intervent de Sale operative emergjence regjonâl sanitarie (Sores), su la statâl 13 a Codroip, par un incident stradâl tra un tratôr agricul e une autoveture. Rivâts sul puest cun dôs scuadris dal distacament di Codroip e une de sede centrâl di Udin, lis Vuardiis dal fûc a àn judât il personâl sanitari, presint cul elisocors e dôs ambulancis, a socori i ferîts e a àn metût in sigurece i mieçs incidentâts e la aree. Il mieç agricul dopo l’impat cu la veture si è disledrosât suntun flanc. Il conducent dal tratôr al è stât traspuartât cul elicotar, intant che la famee che si cjatave te veture, 2 adults e doi minôrs, e je stade acompagnade al ospedâl di Udin cu lis ambulancis. Lis causis dal incident a son sot investigazion. (A.D.G.) – 13.02.2023
169
