155
Un om si è fat mâl inte matine sul tart dopo di une cjadude su la piste Di Prampero, intal comprensori de Valcjanâl. Dopo une clamade di aiût al Nue 112, i operadôrs a àn inviât sul puest l’elisocors.
L’om che al à ripuartât un traume faciâl, al è stât judât intun prin moment dal socors pistis e dopo al è stât traspuartât in svol, in cundizions seriis, ae Santa Maria della Misericordia di Udin.
A Sapade, une femine di plui o mancul 50 agns e je stade invezit socorude inte matine sul tart dopo jessi colade in piste. I infermîrs de Sores a àn inviât sul puest la ambulance di Rigulât. La schiadore e à ripuartât une lesion grave a un braç e e je stade traspuartade cu la ambulance al ospedâl di Tumieç. (A.D.G.) – 3.01.2023
