Il têl di plastiche metût a protezion dal cuviert dopo la tampiestade disastrose de fin di Lui si è lesionât o forsit si è movût par vie dal aiar, lassant cence protezion un condomini a Mortean. I temporâi fuarts che a àn batût la regjon inte fin de setemane a àn dât cussì il colp di gracie, causant infiltrazions pesantis di aghe tant che e je stade decidude la evacuazion dal edifici.
A son stadis duncje trasferidis intun albierc lis nûf fameis sfoladis dal Condominio Filanda dopo la fuarte ploie de fin di setemane. Lis infiltrazions a àn ruvinât l’implant eletric. Il sindic Roberto Zuliani al domande di fâ di corse: “O vin cjatât une sistemazion aes fameis, ma si augurìn che i lavôrs di messe in sigurece dal edifici a tachedin in curt!”. (a.d.g.) – 23.10.23
