Inflazion in frenade a Udin

A Udin al è in câl il cost de vite. Lu à certificât l’ufici statistic di palaç D’Aronco: su la fonde dai siei calcui, in Setembar al è stât a pet di Avost un morestament dai presits cuntun mancul 0,7%. Dut câs, a pet dal Setembar dal 2023, la cressite, ven a stâi la inflazion, e je stade dal 0,7%.

Magari cussì no, il câl nol è leât ae spese pe mangjadorie, che e je cressude dal 0,6% a pet dal mês passat: la diminuzion dai presits di pan e lat e je stade plui che compensade de cressite di pomis e de verdure.

In câl plui fuart invezit i carburants, i viaçs cul avion, lis vacancis, lis struturis ricetivis e i servizis pal timp libar e il sport. (a.d.g.) – 17.10.2024