Infortuni sul lavôr a Romans dal Lusinç

Infortuni grâf sul lavôr intune aziende di Romans dal Lusinç dulà che un om zovin al è stât socorût intal prin dopomisdì. Par causis in cors di aciertament de bande des fuarcis dal ordin, l’om al à ripuartât la amputazion di part di un dêt di une man e la amputazion parziâl di un altri dêt.

Al è stât socorût daurman dai coleghis che si cjatavin cun lui in chel moment, che a àn clamât il numar unic di emergjence dal Friûl Vignesie Julie. I infermîrs de Sores a àn inviât daurman sul puest l’ecuipaç di une ambulance di Gardiscje e l’elisocors intant che dal fat a son stâts informâts i Carabinîrs de Compagnie di Gardiscje.

L’om al è stât socorût e dopo traspuartât in svol al ospedâl Sante Marie dai Agnui di Pordenon. (A.D.G.) – 23.02.2023