Intervent pardabon dificil chel fat vie pe gnot di îr a Udin dai Vigjii dal fûc

Tor des 10 di sere i pompîrs di Udin, adun cun chei di Cividât e di Codroip, dôs autoscjalis e une autobote a son intervignûts suntun fûc impiât al cuint plan di une palacine in plaçâl Chiavris.

Lis flamis a son tacadis di une terace e a stavin lant bande dal apartament indulà che nol jere nissun in chel moment. Par sigurece a son stadis visadis e fatis jessi fûr plui o mancul 50 personis dal condomini, che a àn podût tornâ dentri cjase dome vie pe gnot.

Al è ancjemò di capî ce che al è impiât il fûc. Sul puest a son rivâts ancje i carabinîrs e il personâl sanitari, ma par fortune nissun si è fat mâl. (a.d.g.) – 08.10.2024