Intervents cuintri dal degrât ator de Stazion dai trens di Udin

No saran dome plui controi e lis zonis rossis par ridusi la criminalitât e il spaç intes zonis ator de stazion dai trens di Udin. Il Comitât provinciâl pal Ordin e la sigurece publiche al à planificât vuê di matine une schirie di intervents par judâ lis ativitâts di control e ridusi ancje la presince di int cence cjase che e cjate ripâr di chês bandis.

Une vore di lavôrs a saran fats dentri dal Jugn di chest an in vie Calatafimi e inte aree de stazion di scambi feroviari di vie Buttrio e vie Giulia, tant che il tai de vegjetazion, il rinfuarciment des centis, l’abatiment des struturis in ruvine e il rinfuarciment dai portons di ingrès. (a.d.g.) – 03.04.2025