Jespis e jespats plui agressîfs par vie dal sec

Il sec al fâs cressi il pericul di jessi tacâts di jespis e jespats. Si sclarìs cussì  il grant numar di personis becadis di chescj insets intes ultimis setemanis. Magari cussì no, cualchi volte cun risultâts fatâi, tant che a Davian, dulà che un om di 45 agns al è muart di colp anafilatic.

A sclarîlu al è Piertro Zandigiacomo, entomolic de Universitât di Udin. “L’alt numar di atacs – al dîs il professôr – nol è leât a un aument de popolazion di jespats e jespis, di là des normâls flutuazions anuâls. Il probleme al è che la mancjance di licuits e rint chescj insets plui rabiôs dal solit. Duncje, il pericul di jessi becâts passant dongje dai lôr nîts al devente plui alt”. (A.D.G.) – 11.08.2022