Jessude di strade mortâl a Turiac

Incident mortâl chest dopomisdì a Turiac, in vie Guglielmo Oberdan. Un om al à pierdût la vite pes feridis che al à ripuartât dopo jessi lât fûr di strade cu la sô auto. In aparence nissun altri mieç al è stât cjapât dentri. L’om al è stât socorût dal ecuipaç di une ambulance rivade di Monfalcon e de machine di emergjence mediche rivade di Gardiscje. Dibant magari cussì no lis manovris di rianimazion fatis dal personâl medic infermieristic: pal om nol è restât altri di fâ se no decretâ il decès. (a.d.g.) – 30.10.23