150
La campionesse dal mont di patinaç Carolina Kostner e je tornade in regjon, dopo jessi stade la ‘santule’ intal spetacul di scree dal ristruturât palaç de glace di Claut: un sucès totâl, dut plen in pôcs dîs. La liende dal patinaç e à consegnât ae Aree Zovinis dal Cro di Davian il rigjâf de serade. In totâl, il spetacul di patinaç artistic “Dolomia on ice” al à permetût di destinâ 5 mil euros ae struture oncologjiche. “O soi contente che traviers la mê passion pal sport jo o puedi contribuî a dâ une man – e à comentât – Al è stât un onôr podê screâ il palaç de glace di Claut e dâ in beneficence il rigjâf.” (A.I.) – 07.06.2023
