La marche top dai fast food e cîr personâl a Udin

McDonald’s e cîr 40 gnûfs candidâts par rinfuarçâ lis scuadris dai siei ristorants di Udin. Joibe ai 13, la aziende e à organizât une zornade di selezions e colocuis vierte a ducj, al stadio Friuli, des 9 di matine aes 13: une ocasion preziose di cognossi plui di dongje la realtât di une marche internazionâl, traviers la esperience di cui che al lavore dentri. La marche plui famose dai fast food e ufrìs une oportunitât di lavôr concrete, in graciis di contrats stabii (che a rapresentin il 92% dal totâl) e une pussibilitât di cressite professionâl. Lis personis selezionadis a vignaran metudis intun percors di formazion propedeutic, cun contrats a timp parziâl o a timp plen, su la fonde des esigjencis dal ristorant, incuadradis secont il contrat nazionâl dal turisim. (A.I.) – 11.10.2022