La patulie acrobatiche e rive a Grau

Gnûf apontament in regjon cu lis Frecce Tricolori, che pe lôr sessantesime tierce stagjon acrobatiche a àn decidût, in ocasion des celebrazions pal centenari de aeronautiche militâr, di passâ par chest parsore di ogni capitâl di regjon. Par ce che al tocje il lôr ‘air show’, il spetacul tal aiar, dopo Lignan e Triest al è il moment di Grau, che miercus ai 2 e ospitarà lis evoluzions de patulie, che si podaran viodi dal lît principâl e ancje de dighe Nazario Sauro. La manifestazion e tache des 5 dopomisdì. (A.I.) – 01.08.2023