La pissine dal Palamostre mancul cjare e incuinante

L’implant par nadâ dal Palamostre al ridusarà in curt il so impat energjetic, e no dome. Al è stât aprovât de Zonte comunâl di Udin il progjet esecutîf pe realizazion di doi intervents impuartants che a laran a miorâ la sostignibilitât de struture. La pissine, che no vignarà interessade dai lavôrs, e podarà beneficiâ dai efiets positîfs za a tacâ de prossime stagjon estive. In graciis di un finanziament regjonâl di 250 mil euros, il Comun al apaltarà la realizazion di un implant fotovoltaic cuntune potence nominâl di 60kW, dotât di un sisteme di cumul di 50kW. L’implant al vignarà fat midiant l’ûs di 132 modui par une superficie di plui o mancul 300 metris cuadris. Intal stes timp e vignarà instalade une vascje di recupar des aghis ploianis, di instalâ intal zardin de pissine esterne. Il gnûf implant, di là di ridusi il consum di energjie, al permetarà ancje di incuinâ di mancul. (A.I.) – 30.11.2023