La ploie e ferme il Carnevâl inte fin de setemane a Udin

Il Comun di Udin al à decidût di anulâ i avigniments al viert previodûts pe fin de setemane di “Udin in Mascare 2024”. Lis previsions dal meteo no son buinis, dal moment che su la citât a son previodûts doi dîs di cîl grîs, cun ploie in diviersis fassis orariis. A son stâts alore anulâts il spetacul dal dopomisdì di sabide ai 10 e chei programâts par domenie ai 11 fin aes 5 dopomisdì al viert. Al reste invezit bon l’apontament aes 4 dopomisdì di joibe ai 8. A son stadis canceladis ancje dutis lis ativitâts al viert dal Ludobus, il spetacul dai buratins e il Truccabimbi. Confermâts i laboratoris par fruts di sabide e domenie li dal Museu dal Cjistiel e li dal Museu Etnografic. (A.I.) – 07.02.2024