104
Un fûc di largjis proporzions al è daûr a menaçâ Rualp, frazion di Darte. Lis flamis si son disvilupadis vuê dopomisdì a mont dal abitât e a son daûr a propagâsi viers il bosc.
Sul puest a son daûr a intervignî diviersis scuadris des Vuardiis dal fûc, supuartadis ancje di un elicotar, di là dal personâl de Protezion civîl e de Forestâl.
“Al moment il fûc al è sot control – al à sclarît il sindic di Darte, Andrea Faccin – e mi auguri che, prime pussibil, lis flamis a puedin jessi studadis”. Sul puest al è daûr des operazions l’assessôr Italo Di Gallo. (a.d.g.) – 02.02.2024
