Un zovin forest al à cirût di robâ une tute sportive dentri di une buteghe di vistîts a Triest, ma al è stât blocât pôc dopo di une cubie di carabinîrs fûr servizi. Il fat al è sucedût lunis ai 24 di Març, cuant che un zovin al à puartât vie une tute dal valôr di passe 300 euros, ma nol veve fat i conts cu la presince di doi maressiai dai carabinîrs che a lavorin intes stazions di Miramare e Duìn e che si cjatavin di chês bandis par fâ spese.
Un dai doi carabinîrs al è lât daurman daûr dal lari, intant che il so coleghe al è lât bande di un pont strategjic par taiâ la strade al malvivent rivant cussì a blocâlu.
Il zovin cjapât dai carabinîrs al è stât puartât tai uficis dal Comant de Compagnie carabinîrs di Nabresine pe identificazion e dopo al è stât consegnât ae Comunitât di acet indulà che al vîf. La robe robade e je stade tornade indaûr. (a.d.g.) – 26.03.2025
