Laris ancjemò in azion tal fin de setemane in Friûl

Îr tal dopomisdì sul tart il prin colp i laris lu àn fat a Tavagnà indulà che a son jentrâts intune cjase dopo vê sfuarçât la puarte di jentrade. I delincuents a son lâts drets bande de cassefuarte dentri de parêt indulà che a jerin zoiis e bêçs: puartâts vie in dut passe 20 mil euros.

Une altre robarie e je stade fate plui tart cheste volte a Çupicje di Codroip, indulà che i delincuents a son jentrâts intune abitazion dopo vê fiscât un barcon. Dopo vê metût dut sot sore, i laris a àn puartât vie zoiis par 10 mil euros. Su ducj i doi i câs a fasin lis investigazions i carabinîrs di Cjampfuarmit. (a.d.g.) – 26.08.2024