63
Doi citadins rumens di 34 e 27 agns residents intal Friûl ocidentâl a son stâts blocâts vie pe sere di joibe ai 30 di Mai dopo che a vevin a pene robât 95 litris di gasoli di une pacare dentri di une aziende di Flaiban.
La cubie, cuant che e je rivade une patulie dai carabinîrs, e à cirût di scjampâ di une zone platade dongje de aziende Ghiaie Ponterosso srl. I doi però a son stâts cjapâts e cjatâts cu la robe a pene robade dentri di cinc tanichis. Al plui vecjo a son stâts ancje contestâts altris doi episodis simii sucedûts simpri inte stesse aziende in Mai.
Îr il Gip di Udin Giulia Pussini e à convalidât l’arest e decidût par ducj i doi la improibizion di dimore inte provincie di Udin. (a.d.g.) – 05.06.2024
